yoyo
عدد الرسائل : 14
تاريخ التسجيل : 16/11/2008
 |  موضوع: كتبت لك جواب يا ريس ورجعت قطعته!!!  الثلاثاء نوفمبر 18, 2008 2:45 pm | |
| كتبت لك جواب يا ريس ورجعت قطعته!!!
وفكرت ميت مره أجازف وأروح باعته!!!
باشكيلك فيه همومى، واللى بيجرى ف يومى!!!
وف الآخر زى هدومى مسكته قطعته!!!
قطعته رغم إنى عارف لو جالك ح تساعدنى!!!
وممكن تاخد قرار وقتى يسعدنى!!!
قلت أبعت وأشتكيلك هو أنا ليا حد غيرك!!!
لكن أعمل إيه ف ضميرى لما يتعبنى!!!
باشكيلك فيه يا ريس على حقى اللى ضاع!!!
واللى اتغير فينا من غدر الطباع!!!
واللى شفته ف شبابنا من حالات الضياع!!!
خفت عليك يا ريس ليجيلك صداع!!!
بصراحة خفت يا ريس أخش ف سين وجيم!!!
يتهمونى بالجنون ويقولوا راجل لئيم!!!
مع إنى بأحبك يا ريس وبأقسم بالعظيم!!!
علشان كده يا ريس مسكته قطعته!!!
| |
|
*loly*
عدد الرسائل : 267
العمر : 32
المزاج : رايقة اوى
تاريخ التسجيل : 17/11/2008
| | موضوع: رد: كتبت لك جواب يا ريس ورجعت قطعته!!! الجمعة نوفمبر 21, 2008 2:43 pm | |
| يا عينى هنتحبس قريب
تسلم ايدك يا يويو | |
|
